Ижын ялӥзы «СМИротворец-ВОЛГА» вожвылъяськонлэсь вормисьёссэ

    Ижын ялӥзы «смиротворец-волга» вожвылъяськонлэсь вормисьёссэ 1

    Удмуртиысь журналистъёс 5 номинациын интыос басьтӥзы.

    Телевидение удысын ваньзэсты азьпалтӥз «Мынам Удмуртие» телеканал. Жюри 1-тӥ интыен дунъяз «По соседству» реалити-шоузэс. Сое дасян бордын тыршизы журналист Елена Слесарева, режиссёр Александр Матросов, операторъёс Юрий Егоров но Илья Дерендяев.

    «Печать» номинациын 2-тӥ интые потӥз Дэри ёросысь «Пригородные вести» газетысь Анна Трубачевалэн гожъямъёсыз. Экспертъёс пусйизы Анналэсь «Сердце-дома – печка» но башкир удмуртъёслэсь выль кен лушкан сямзылы сӥзем «Похищение по-удмуртски, или Стерпится-слюбится» материалзэ.

    «Печать» номинациын ик 3-тӥ интые потӥз «Удмурт дунне» газет редакторлэн Зинаида Рябининалэн «Степь но степь котыр» ужез но Ангелина Снигиревалэн «Китяк» репортажез.

    «Интернет» номинациын 2-тӥ интыен дунъязы Марат Гизизуллинлэсь ужъёссэ – соос сӥземын шаерамы улӥсь калыкъёслэн осконъёссылы.

    «Анай кыл» номинациын 3-тӥ инты басьтӥз Дэбесысь «Новый путь» газетын ужась Руфима Ложкина. Журналистлэн «За границу… к удмуртам» материалэз ӧтё малпаськыны — кулэ-а удмурт кыл шаермылэн палэназ, кунгож сьӧрын улӥсь удмуртъёслы кыӵе пайда сётэ анай кыл.

    https://vk.com/udmdunne