Ижын модалы сӥзем «Чеберай» лаборатория ужаны кутскиз
Ижысь Нылпиосты чеберлыкез валаны дышетӥсь центрын модалы сӥзем «Чеберай» лаборатория ужаны кутскиз.
Проект «Ижкар каникулъёс 2022» конкурсын вормиз, сое улонэ пыӵатон понна Ижкар администрация коньдон висъяз.
8-тӥ гудырикошконысен вуоно дизайнеръёс дышетско чеберъяськон арбериосты вуырыны, пумиськыло мода удысысь ӧнерчиосын, ветло экскурсиосы но пырисько мастер-классъёсы. Ваньмыз со юрттоз пиналъёслы удмурт калык дӥськутлэсь аспӧртэмлыксэ валаны.
Лаборатория 19-тӥ гудырикошконозь ужалоз.