Ижын бигер нылкышноослэн улосвылкуспо форумзы ортчиз 

Ужрадлэн программаез туж мур но тунсыко вал. Нырысетӥ нуналаз нылкышноос Балезино ёросысь 2 бигер гуртъёсы вуылӥзы.

Форумлэн кыкетӥ нуналыз Ижкарын ортчиз.  «Ак калфак» огазеяськонлэн ёзчиосызлы 107-тӥ нылпи садын пиналъёс ас семья выжызы сярысь веразы.

Озьы ик форумэ пыриськисьёс Ижысь Х. Фаизханова нимо 97-тӥ номеро лицее вуылӥзы. Дышетсконни мечеть вӧзын интыяськемын. Отын мусульман семьяосысь 200 пала нылпиос тодон-валан басьто.  Ватсаса соос бигер но араб кылъёсты дышето. Исмагил Шайхутдинов имам мечетьлэн историез сярысь мадиз, проповедь лыдӟиз.