Ижкарысь студентъёс Баграш-Бигра гуртэ вуылӥзы

«Возвращение к истокам»  – Удмуртиын улӥсь калыкъёслэсь сям-йылолъёссэс утён вылысь кылдытэмын. Со улсын дышетсконниосын шаертодонъя отрядъёс кылдыло. Соос шаермылэн пӧртэм сэрегъёсаз экспедициос радъяло. Проектэз улонэ пыӵато Россиысь егитъёслэн Союззылэн Удмуртиысь огазеяськонзылэн ёзчиосыз. Соослы юртто Калыкъёслэн Эшъяськон юртсы.

Баграш-Бигра гуртын егитъёсты пумитаз Соколовъёслэн семьязы. Гуртлэн старостаез А.Я.Матвеев гуртлэн историез сярысь вераз, экскурсия ортчытӥз. Нош «Ӝыт тылъёс» ансамбльысь артистъёс студентъёсты удмурт калык шудонъёсын тодматӥзы, соослы кырӟанъёссэс быдэстӥзы.

«Милемыз туж умой дуно куноосты кадь пумитазы, — шуизы кошкыкузы куноос, — туж чебер, шулдыр гурт, паськыт сюлэмо улисьёсыз».