Ижкарысь школьникъёс Кавказ калыкъёслэн сям-йылолъёсынызы тодматскизы

    Ижкарысь школьникъёс кавказ калыкъёслэн сям-йылолъёсынызы тодматскизы 1

    Проект Кавказ калыкъёслэн сям-йылолъёсынызы тодматэ. Ӵектослэн кивалтӥсез но нуисез Калыкъёслэн Эшъяськон юртысьтызы методист Алия Абдуллина.

    Занятиосын саклык висъяло пиналъёслэсь выжы калыкъёс сярысь тодон-валанзэс паськытатонлы. Нимысьтыз верало Кавказ шаеръёс но отын улӥсьёс сярысь.

    Пиналъёс трос тунсыкозэ тодӥзы грузин, армян, азербайджан, ингуш калыкъёс сярысь. Алия Абдуллина вераз соослэн калык праздникъёссы, йылолъёссы сярысь, тодматӥз крезьгур инструментъёсынызы, возьматӥз йӧскалык дӥськутъёссэс.

    Занятиын пиналъёс азербайджанъёслэсь «Кочари» эктонзэс дышетӥзы. Нош йылпумъяса, матрёшкаосты Кавказ калыкъёслэн буёлъёсынызы чебермазы.