Ижкарысь Киров паркын  20 куиськон станокъёс ужазы

Та нуналъёсы элькунын куиськонъя школа ортче. Нош солы кутскон сётӥз – Ижкарысь Киров нимо паркын ортчем флешмоб. Огдыре 20 куиськон станокъёс возьматӥзы удмурт киужлэсь вань узырлыксэ. Пӧртэм пужыос, яркыт буёлъёс, вашкала но выль станокъёс – ваньмыз верало та вашкала киуж улэп но азинске шуыса.

«Егитъёс одно ик вашкала ужан амалъёсты тодыны кулэ, – шуэ чеберлыко киужъёсъя элькун центрысь ӧнерчи Людмила Буянова. – Туннэ куиськонэн тунсыкъяськисьёс дунне вылын ӧжыт ӧвӧл. Пӧртэм шаеръёсын кышномуртъёсын ӵош пиосмуртъёс но пуксё куиськон станок сьӧры, пересез но пиналэз но тырше».

Ижкарын ортчем флешмоб возьматӥз – кӧня пӧртэм луыны быгато куиськон станокъёс.

Куиськонъя школае пыриськыны шаерамы вуизы Москваысь, Кировысь, Челябинскысь но мукет улосвылъёсысь кибашлыос. Та нуналъёсы соос куиськыны дышетско Алнаш ёросын.

http://www.myudm.ru/

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий