Ижкарысь Эшъяськон юртын туннэ премьера ортчиз

Спектакльын 20 егит пиос но нылъёс шудо. Соос вожатойёслэн «Оранжевое настроение» отрядысьтызы егитъёс но «Халом» еврей воскресной школаысь пиналъёс. Нош пуктӥз возьматонэз режиссёр Дмитрий Корепанов.

Спектакльын возьматэмын блокадае шедем Савичев семьялэн улэмез. Соос ваньзы быризы. Таня Савичева дневниказ гожъя ӵыжы-выжыосызлэсь сютэмен яке висьыса улонысь кошкем нуналъёссэс. Берпуметӥ гожтэмез таӵе – «Ваньзы кулӥзы. Кылиз одӥг Таня».

Дмитрий Корепановлэн но артистъёслэн та кыкетӥез ни историысь учыръёсъя дасям спектальзы. Нырысетӥез «Уроки Холокоста» нимаськиз.

«Соиз но таиз ужъёс дышетскисьёслы Быдӟым Атыкай ож вакытъёсты буре ваён урокъёс  выллем луо», –  валэктэ Эшъяськон юртысь режиссёр Дмитрий Корепанов.

Ож вакытысь учыръёсъя дасям спектакльёс матысь нуналъёсы Ижкарын мынозы. Нош гужем нылпи лагерьёсын возьматозы.

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий