Ижкарын выльысь удмурт культурая центр пумысен кенешон ортчиз Эшъяськон юртын

    Ижкарын выльысь удмурт культурая центр пумысен кенешон ортчиз эшъяськон юртын 1

    Ижкарын берлозэ удмурт культурая центр кылдытонъя ужпумез Кун Кенешысь депутатъёс эскеризы. Кызьы тодмо, инты солы Короленко нимо театрлэн вуж юртаз ӵектэмын вал. Праламентарийёс инвожое ортчем сессиязы юртэз сэрттонлы дурбасьтӥзы. Туннэ со 60 процентлы вужмемын ни.

    Короленко нимо ӟуч театрлэсь юртсэ, историяя но лулчеберетъя синпелетэз выллем, утьыны куре калык. Но объект истори кылёсбуръя объектъёс пӧлы пыртэмын ӧвӧл.

    «Историлэн кузьымез кельтэмын асьмелы. Каушкатыны чакляк, но сыӵе зданиос асьмелэн тоже ӧвӧл. Со тупа асьме городмылы, калык но дышиз ни солы, синмыз дышемын со чебер юртлэн тусыз шоры учкыса. Шумпотыса учкыны», —  шуэ Удмуртиысь мерлыко палатаысь ӧриен кивалтӧсь Пётр Ёлкин.

    Азьвылгес удмурт культурая центрлы проектъёсын конкурс ортчиз. Ӵектослэн авторъёсыз сое ӟуч театрлэн азьвыл юртаз ик интыяны ӵекто.

    «Со сыӵе аспӧртэм ӵектос, кудаз учкисьёслы залынз 500 инты луоз, сюрс квадрат метръем адзытон зал, фольклор коллективъёслы репетициослы висъетъёс. Отын «Айкай» театр ужалоз, куиськон станокъёс сылозы», — вера лулчеберетъя элькун министр Владимир Соловьёв.

    Али проектъя ужкагазъёсты экпертизае келянъя уж кутскемын. Собере тодмо луоз, кылдоз-а удмурт лулчеберетъя центр Короленко нимо театрлэн азьвыл юртаз яке воксё выль интыын пуктон дунтэмгес усёз. Та пумысен мылкызэс мер огазеясьокнъёс но вераны быгато. Но али ик тодмо ни мерыко палата элькун тӧролы театрлэсь юртсэ выльдыны ӵектонэн вазиськоз.

    http://www.myudm.ru/