Ижкарын «Вожодыр» ӝӧквыл шудонъя турнир мынэ

«Вожодыр» — со удмурт «Мафия», но геройёсыз – удмурт выжыкылъёсысь но дауркылъёсысь. Палэсмурт – адямиосты бичатыса серекъятэ но шудонысь поттэ, Вуныл — жильыртӥсь куараеныз йырез поромытэ но данэз быдтэ (быръем муртлы одӥг уйлы алиби сётэ), Пеллясь – «уй» куспын одӥг шудӥсез утьыны быгатэ (шудон ӵоже кык пол ассэ но эмъямез луэ), Алангасар – Палэсмуртлэсь гурт калыкез уте (уйин со нуисьлы Палэсмуртэн быръем муртэ возьматэ, нуись вера, шонер со малпа яке уг, бӧрысь вераськонын Алангасар Гурт калыклы Палэсмуртэз шараяны юрттыны тырше), Гурт калык – удмурт гуртын улӥсь огшоры калык, Обыда – веднаса шудӥсьлэсь куаразэ басьтэ (веднам мурт одӥг «ӵукна» вераськыны но куара сётыны уг быгаты).

«Chukinder» ӵектос сярысь пыр-почгес ивортон шедьтыны луэ проектлэн «ВКонтакте» вотэсбамысьтыз — vk.com/chukinder