Ижкарын улӥсь немецъёс Ымусьтонзэс пусъёзы

Ымустон – католикъёслэн валтӥсь праздниксы. Удмуртиын сое пусъён ӟеч сяме пыӵаз ини. Таяз радэ но немец кылэн но лулчеберетэн тунсыкъяськисьёс зэмос Ымусьтон шулдыръяськонэ вуозы.

Элькунмылэн шоркараз нош ик люкаськозы Глазовысь, Сарапулысь но Ижкарысь немец огазеяськонъеслэн творческой коллективъёссы. Пумиськонэ лыктэмъёс ваньзы немец эктонъёсты быдэстыны, шудонъёсы пыриськыны быгатозы.

Ужрадэз ортчытӥсьёслэн верамзыя, таӵе пумиськонъёс, нырысь ик, нылпиослы ас калык историенызы тодматскыны луонлык сёто.