Ижкарын удмурт кылбурчиослэн нырысетӥ вожвылъяськоназы Эстониысь куноос пыриськозы

Поэтри-слэм англи кылысь «кылбуръёсъя вожвылъяськон» шуыса берыктӥське. Кылбурчиос произведениоссэс шара лыдӟо, нош учкисьёс соосты дунъяло.

Удмурт кылын гожъясь кылбурчиос пӧлын нырысетӥ вожвылъяськонэз Удмуртиысь гожъясьёслэн огазеяськонзы но «Удмурт дунне» газет радъяло. «КЫЛбурдэ» пыриськисьёсты учкисьёсын быръем жюри дунъялоз. Тужгес устоез кылбурчи 5 сюрс манет коньдонкузьымен пусъемын луоз.

Ватсалом, кылбуръёсъя слэме котькӧня аресъем кылбурчиос пыриськыны быгато. Мылкыд карисьёслэсь куриськонъёссэс udmdunne@yandex.ru электрон адресъя 26-тӥ толсуре 12 часозь куто.

https://udmurt.media/udm/news/kultura-i-turizm/47942/