Ижкарын туркмен сюанлы сӥзем адӟытон усьтӥськиз

Адӟытонын – туркмен сюан сям-йылолъёсын туспуктэмъёс. Выставкалэн усьтӥськоназ лыктэмъёс манты туркмен калык сиёнэз веръязы, тюбетейка мертазы, туркмен ковер азьын туспуксизы.

Радъясьёс веразы туркмен сюан сям-йылолъёс сярысь. Люкаськемъёслы тужгес но тунсыко потӥз выль кенлэн дӥськутэз. Со секталаезъя 30 кило мында кыске. Выль кен дӥськутсэ 40 нунал ӵоже нуллыны кулэ.

Адӟытон ужан нуналъёсы 9-сен 18 часозь ужа таӵе адресъя: Ижкар, Пастухов ульча, 13б юрт, «Известия Удмуртской Республики» газетлэн редакциез.