Ижкарын «Нылкышно дунне. Выл дӥськут. Удмурт чильпырет» адӟытон ужа
![Ижкарын "нылкышно дунне. Выл дӥськут. Удмурт чильпырет" адӟытон ужа 1](https://udmddn.ru/wp-content/uploads/2017/03/odejda.jpg)
Ар ӵоже уйпал но лымшор ёросъёсысь кибашлыос тодматскизы сандыкын кыллись вашкала выл дӥськутэн но удмурт чильпыретэн. 20 ёросъёсысь 50 пала кибашлыос пӧртэм семинаръёсы, мастер-классъёсы пыриськизы , суредъёсын, музей фондъёсысь экспонатъёсын тодматскизы. Трос тодон-валан соослы сётӥзы гурт экспедициос.
«Ми паймим, кыӵе но кӧня пӧртэм дӥсьёс вылэм удмуртъёслэн, — шуэ адӟытонэз радъясь Наталья Прокопьева. — Пичи гинэ калык кадь, нош кыӵе узыр дӥськутэз. Ми учким, кыӵе басмаослэсь вуро вылэм, кызьы со басмаез вандо вылэм. Ваньзэ сое эскерыса, милям вуриськись методистъёсмы басмаез вандонъя мастер-класс лэсьтӥзы. Асьсэлы кельшымонзэ, тупамонзэ бырйыса ужаны кутскизы».