Ижкарын «Мисс студенчества Финно-Угрии-2017» конкурслы кастинг ялӥзы

Кылем арын конкурслэн финалэз Петрозаводскын ортчиз. Удмуртилэсь данзэ утьыны шуд усиз Удмурт кун университетысь историяя но социлогияя Институтысь студенткалы Алла Лебедевалы.

«Али, дыр ортчыса но, туж шуныт малпанъёсын тодэ ваисько та вожвылъяськонэ пыриськемме, — шуэ Алла. – Мон понна со нырысетӥ учыр вал, куке мон сцена вылын огнам асме возьматӥ. Мон туж кышкай быръён турын, кудӥз УдГУ-лэн актовый залаз ортчиз. Кырӟанме но ӧй пӧрмыты. Нош финалаз нокыӵе куалекъянэ но ӧй вал. Пумозяз шӧдыса но ой вутты кадь, быдэс Элькунмылэсь данзэ утисько шуыса».

«Мисс студенчества Финно-Угрии-2017» конкурсын Алла Лебедева куинь тужгес но зол титулъёсын пусъемын — "Вице Мисс", "Мисс симпатий", "Мисс интеллект".

«Та вожвылъяськон мыным сётӥз, нырысь ик, зол эшъёс, — азьланьтэ Алла. – Со УдГУ-ысь монэ дасясьёс, мукет Элькунъёсысь конкурсэ пыриськем нылъёс; озьы ик сётӥз на опыт — ас кужымелы оскон. Конкурсэ пыриськон — со командной уж. Мон али но «тау» шуисько на ваньзылы, кин юрттӥз Карелие сюрыны, вормыны. Туэ туж аслам юрттэме потэ вуоно конкурсанткалы».