Ижкарын «Лэсьтэмын Удмуртиын» форум ортчиз

Кызьы пусйиз Элькун тӧролэсь ужзэ быдэсъясь Александр Бречалов, та форум — Удмуртиын ужбургатӥсьёслэсь удыссэс умоятон вылысь валтӥсез ужрад луэ.

Ужбергатӥсьёслы юрттэт сётон пумысен Бречалов пусйиз: «Туннэ та удысын тыршисьёс быдэсак федерал, элькун юрттэт вылэ чӧлскыны кулэ ӧвӧл. Лизингъёслэсь, кредитъёслэсь мозмытскыны кулэ. Сюрес лёгоно калыккуспо рынокъёсы».

Форумын «Синергия» университетэн тупанкыл юнматэмын. Куарусёнэ Удмуртиысь сюрс ужбергатӥсьёсты университетлэн программаосызъя дышетозы. Нош Удмуртиын Бизнесъя академия усьтэмын луоз. Со кутскись ужбергатӥсьёслы будыны юрттоз.

Гудырикошконэ форумын кутскон сётэм куд-ог ужпумъёслы йылпумъянъёс луыны кулэ ини. Со дырлы матысь аръёслы экономикаез азинтонъя программа но Элькунмылэн инвестици луонлыкъёсызъя карта кылдытыны чакламын.

http://www.myudm.ru/