Ижкарын Кызьпу арама сярысь кенешизы

Пумиськонэ озьы ик Индустри ёрослэн кивалтӥсез Зайцева Л.Е., Горький нимо гужем садлэн кивалтӥсез Буторин С.В. но кар администрацилэн кивалтӥсезлэн воштӥсез Сальников И.Б. пыриськизы.

Тодады вайытом, Россилэсь Президентсэ бырйыку, Ижкарысь выльдон интыос понна куара сётон радъямын вал. Калык юалляськонлэн йылпумъянъёсызъя, Кызьпу арама 6-тӥ интыез басьтӥз.

“Кыӵе ужпумъёс табере азьпалан луозы? Мар борды нырысь ик басьтӥськоно? Али тани “Карын улонкотырез умоятон” программа ужа. Туж умой луысал Кызьпу арамалы юрттэт сётысалзы ке”, – шуиз Олег Владимирович.

Татьяна Ишматова пусйиз, Кызьпу арамаез умоятон-утялтон сярысь вераськонъёс кемалась мыно ини шуыса. Валтӥсь ужпумъёсын концепция но кылдытэмын.

“Удмурт Кенеш” огазеяськонлэн Тӧроезлэн верамезъя, Кызьпу арама удмурт шӧмо этнопарк выллем луыны кулэ. Со одно ик семьяен, нылпиосын шутэтскон, мугорез кыдатон, трос калык понна ужрадъёс ортчытон ӧръёсъя мед ужасал.

Заседанилэн пумаз люкаськемъёс огкылысь луизы, “Карын улонкотырез умоятон” программае пыриськон понна, калыкез люкаса, огъя бадӟым кылзон ортчытоно шуыса.

https://vk.com/udmurtkenesh

 

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий