Ижкарын «Курай» центр усьтӥськиз

Ужрадэ Башкортотанысь Эшъяськон юртысь ӧнерчиос, башкиръёслэн дунневыл конгрессэзлэн ёзчиосыз, Удмуртиысь культурая йӧскалык огазеяськонъёслэн  азьветлӥсьёсыз, каръёсысь но ёросъёсысь делегациос пыриыськизы.

Люкаськемъёс азьын вераськизы йӧскалык политикая элькун министр Лариса Буранова но башкиръёслэн дунневылкуспо курлутайлэн президиумезлэн ёзчиез Гаяз Зарипов.

Пусйыны кулэ, Удмуртиын башкиръёсты огазеясь движение вал ни. «Салават» центр 10 арлэсь трос ужаз кылэз но  калык лулучеберетэз азинтон бордын. Но 2013-ти арын со ужзэ йылпумъяз. Со интые туэ пӧсьтолэзе кылдиз «Курай» центр.