Ижкарын калыккуспо дышетскон сесси ужа

Нош адӟыны но дышетскыны вань кинлэсь. Ужрадэ 13 улосъёсысь 18 калык выжыосысь делегациос вуэмын. Та нуналъёсы соос понна радъяськозы мастер-классъёс, дискусси площадкаос, проектъёсты гожъянъя но быдэсъянъя дышетонъёс. Люкаськемъёсын ужалозы Россиысь тодмо экспертъёс.

«Можгаын «Фаст-революция» ортчиз вал. Мон отчы ветлӥ пректной ужен тодматскон вылысь. Отчы но ветлӥзы Москваысь, Ижевскысь педагогъёс. Соос монэ татчы Ижевске ӧтизы. Мыным со уж туж тунсыко потэ, мынам нош лыктэме потӥз», — аслэсьтыз малпанъёссэ вера Можга карысь воспитатель Елена Калаева.

Тодон-валан сётонъя «Вместе» центрлэн та 4-тӥ сессиез ни. 2 ар ӵоже проектэ 200-лэсь ятыр егитъёс пыриськизы. Ужлэн емышез син шорын — туннэлы дышетсконъя 30 площадкаос радъямын, 20-лэсь ятыр этнокультурая проектъёс кылдытэмын. Таиз ужрад бере но вуоно сессиозь выль ӵектосъёс вордскыны кулэ.

http://www.myudm.ru/