Ижкарын ичи лыдъем калыкъёслэн росси форумзы усьтӥськиз

Форум усьтӥськиз Кун Кенешын. Пленарной кенешонэ пыриськизы элькунысь йӧскалык лулчеберетъя огазеяськонъёслэн азьветлӥсьёссы, ичи лыдъем калыкъёс.

Валтӥсь докдлад лэсьтӥз лулчеберетъя элькун министр Владимир Соловьёв. Со кивалтэтлэн бесерман обществоен кусыпъёсыз сярысь вераз: «Бесерманъёс — быдэс дуннеысь ичи лыдъём калыкъёс пӧлын. Берпуметӥ лыдъян-гожъянъя шаерамы 2 сюрс 200 котыр бесерманъёс уло. Элькунын соосты палэнэ уг кельто — юрттэт висъяське. Туэ, кылсярысь, бесермян калыклэн культурая центръёслы 200 сюрс манетэн сётэмын. Со уксёлы выльдӥськизы клубъёс, костюмъёс, крезьгуро инстументъёс».

Кыллэн ышемез — одӥгез валтӥсь эскерем ужпум та форумын. Иркуск улосын 2 выжы калыкъёс ичи лыдъем шуыса лыдъясько — со эвенк но тофалар. Эвенкъёс али 1200 котыр, тофларъёс нош быдэс дуннеын 700 мында гинэ — шуэ Евгения Гомбоева, Иркустк улосысь эвенк. Форум ог-огзылэсь дышетскыны, адӟем карыны но тодмасткыны пӧртэм выжы калыкъёсын луонлык сётэ.

Форум 2 нунал ужалоз. Со дыр ӵоже котырес ӝӧкъёс, мастер-классъёс, экскурсиос, калык творчествоя фестиваль ортчозы. Куноос йӧскалык сиён-юонъёсты но веръялозы.