Ижкарын Гербер ортчиз

Удмурт Гербер шулдыръяськонэз усьтӥзы элькун но кар кивалтӥсьёсын ӵош лыктэм куноос – со Бурятия но Коми элькунъёслэн кун думаысь депутатъёссы. Соос люкаськемъёсты вашкала удмурт праздникен но Россилэн нуналэныз ӟечкылазы.

Нош «Удмурт кенеш» огазеяськонлэн тӧроез Татьяна Ишматова пусйиз: «Та нунал огазея Россиын вань улӥсьёсты. Сюлмамы котьку но ӟеч мылкыд мед луоз, юн тазалык мед луоз! Инмар мед утёз асьмеды! Мед чузъяськозы удмурт кылмы, удмурт кырӟанъёсмы! Мед пиналъёсмы данъяськыса вераны быгатозы «мон удмурт» шуыса».

Валтӥсь сцена вылын шулдыртӥзы «Италмас», « Шулдыр ӝыт» ансамбльёс, «Чебеляй» студия.

Ужазы пӧртэм пумо площадкаос. “Удмурт кенеш” ассоциацилэн азбарез огдыре огазеяз «Шунды» огазеяськонэз, «Билингва» центрез, Кузебай Герд нимо гимназиез. Люкаськемъёс шудӥзы, кырӟазы, эктӥзы.

Шумпотымон, туэ нырысьсэ Ижкар Гербере потӥз Йӧскалык библиотека. Пичи сцена вылын чузъяськизы кылбурчиослэн чуръёссы.

Нырысьсэ квест радъязы «Удмурт дунне» газет редакциысь журналистъёс. Шудонэ 3 командаос пыриськизы. Квестын ватэм «Удмурт дунне» газетлэсь берпуметӥ номерзэ тужгес но ӝог «Валамон-Паримон» команда шедьтӥз.

Чырмыт бызьылэм-шудэм бере ческыт кошкиз ӝук. Туэ черодын нокыӵе бурыръяськонъёс ӧй вал. Со ваньмызлы тырмиз.

http://www.myudm.ru/

 

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий