Ижкарын «Финно-угры-славяне-тюрки: опыт взаимодействия» Росси конференци ужа

Эскерон юанъёс туж трос но, туж пӧртэмесь. Кылсярысь, исламлэн пытьыез поръёслэн улоназы. Чупчи котырысь удмуртъёслэн бускель калыкъёсын кусыпъёссы. Лымшор удмуртъёслэн вераськоназы пырем бигер кылъёс но трос мукет.

Таӵе ужрад 3-тӥзэ ортче. Туэ но география туж паськыт — Мордовия, Татарстан, Екатеринбург. Та туж ӧжытэз.

«Туннэ тодосчиос куспын уг тырмы малпанъёсын люкиськон. Соос котькудзы кужмоесь. Но куке дэмен люкаськыса, мылкыддэ шараяса вераськиськод пӧртэм ужпумъёсъя, кылдэ чылкак мукет выль кужым — шуэ история, кылъя но литературая Удмурт институтлэн тодосъя кивалтӥсез Алексей Загребин. — Таӵе пумиськонъёс одиг юан шоры ик пӧртэм учконъёсты шараяло, тодос ужъёсты паськытгес ӧре поттыны юртто».