Ижкарын «Финн-угор транзит» фестиваль ортчиз.
"Финн-угор транзит" ӵектос 9 ар ӵоже ини герӟа пӧртэм калыкъёсты но культураосты. Таяз радэ пумиськизы фин-угор семьяос — удмурт, мордва, бесермян, пор, башкир.
Мастер-классъёс 4 площадкаын радъяськизы. Фестивале пыриськисьёс кибашлы луэмзэс возьматӥзы. Кинъёс ке куролэсь мунёос пӧрмытизы, мукетъёсыз – басмалэсь атас но мунё. Нош сцена вылын чузъяськизы пӧртэм кылъёсын кырӟанъёс, веранъёс, гуръёс.
Ужрадын тужгес но трос тунсыкъяськисьёс вал бесерман семьяен. Со вуиз Яр ёросысь Вортча гуртысь.
«Узырлыкез калыке поттоно — шуэ Яр ёросысь культурая юртэн кивалтӥсь Надежда Дюкина. — Гуртамы туннэ 200-лэсь трос улӥсез, ӝыныезлэсь ятырез — бесерманъёс. Туннэ ас йылолъёсмес нылпиос пӧлын вӧлмытыны тыршиськом.
Кужмысь ум, берло дыре пиналъёсмы асьсэос трос юало сямъёсмы сярысь, тодэмзы потэ – кинъёс ми. Ми гуртысь «Бесерман крезь» фольклор ансамбле ветлӥсьёс мыло-кыдо возьмато ас йылолъёсмес».
28-тӥ коньывуонэ финн-угор транзит выжоз Башкирие.