Ижкарын этнопроектъёсъя адӟытон усьтӥськоз

Адӟытонын тодматскыны луоз калык кусыпъёсын герӟаськем ӵектосъёсын. Кылсярысь, ӵектосъёс пӧлын Дэбес ёрослэн «Голубь мира. Одна страна – одна семья» ужез, Балезиноослэн — «Сила духа», Глаз ёрослэн — «Ожившие картины «ДондыДора», Эграослэн — «Отражение национальных традиций в современном костюме», Можга карлэн — «По-соседству» циклысь телепередачаос.

Выставкае пыриськисьёс проектъёссы сярысь ивортонъёс дасяло – презентациос, видеороликъёс, буклетъёс, туспуктэмъёс.

Адӟытон ужалоз йӧскалык политикая министерстволэн коллегиез улсын. Коллегилэн кенешоназ выжы калык лулчеберетъя но йӧскалык дышетонъя ужпумъёс сярысь вераськозы.