Ижкарын Чернобыльын атом электростанциын шимучырез тодэ ваизы

1986-тӥ – 1990-тӥ аръёсы Чернобыле шимес авария бервылъёсты утялтыны Удмуртиысь 2 но ӝыны сюрс адями пыриськиз. Уноез соос заводъёсын ужасьёс, лэсьтӥськисьёс, водительёс.

Соос кӧня ке толэзьёс ӵоже тыршоно луизы атом станциын авария бервылъёсты палэнтон ужын. Унезлэн тазалыксы соку ик лябӟиз. Туннэ нуналлы шаерысьтымы пыриськемъёс пӧлысь сюрслэсь уноез улонысь кошкемын ни. Котькудӥз отчы мынӥз кун азьын аслэсьтыз долгзэ быдэстон понна.

Удмуртиысь «Союз-Чернобль» огазеяськонлэн кивалтӥсез Семён Сармакеев шуиз: «Соос со ужез ӧй лэсьтысалзы ке, радиацилэн эшшо секыт бервылъёсыз луысалзы. Ӵапак со сярысь тодыса, Россиысь уно воргоронъёс, соосын ӵош асьме улосчиосмы но, бадӟым уже пыриськызы. Мон малпасько соос геройёс шуыса, соосты котькин но котьку тодыны кулэ».

Буре ваён ужрадэ Чернобыле вуылэмъёс сяна, соослэн пал кылем кузпалъёссы, нылпиоссы лыктӥзы. Уноез вуизы улонысь кошкем ӵыжы-выжыоссылэн, эшъёссылэн туспуктэмъёсынызы. Митинг бере радиаци кышкытлыкез палэнтон бордын тыршемъёслы сӥзем синпелет доры сяська керттэтъёс понӥзы.

http://www.myudm.ru/

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий