Ижкарын Этнографияя бадӟым диктант гожтозы

    Ижкарын этнографияя бадӟым диктант гожтозы 1

    Акцие пыриськыны котькуд мылкыд карись быгатоз. Со понна интыосысь диктант гожтонъя площадкаосы вазиськоно.

    Ижкарын этнографияя диктанэз таӵе площадкаосын гожтозы:

    — УдГУ, 2-тӥ корпус, 413, 414 аудиториос

    — ИжГСХА, 1-ти корпус, 2-тӥ аудитория

    — ИжГТУ, 2-тӥ корпус, 420-тӥ аудитория

    — Удмуртиысь культурая элькун колледж, 231-тӥ аудитория

    — 56 номеро гимназия

    — Топливно-энергетической колледж, Сабуров ульча, 23-тӥ юрт

    Туэ акци калыккуспо инлыкен ортчоз. Этнографияя тодон-валанзэс эскерыны быгатозы быдэс Россиысь сяна, кунгож сьӧрысь но мылкыд карисьёс.

    Кылем арын ужрадэ 90 сюрс пала адямиос пыриськизы. Владивостокысен Калининградозь диктант гожтонъя 800 плащадкаос ужазы.

    «Кылем арын таӵе диктантэз быдэс Россиен ӵош нырысьсэ гожтӥмы. Трос ӟеч кылъёс чузъяськизы со пумысен. Соин ик ужрадэз котькуд ар ортчытъяны малпамы», — шуиз йӧскалык ужпумъёсъя Федерал агенстволэн кивалтӥсез Игорь Баринов.

    Этнографияя бадӟым  диктантлэсь йылпумъянъёссэ Росси Конституцилэн нуналаз – 12-тӥ толсуре, шараялозы.