Ижкарын 20-тӥ оштолэзе «Библиоуй» ужрад ортчоз

Библиоуй акци борды итӥське Ижкарысь Флор Васильев нимо лыдӟиськонни но. Отын ужасьёс  20-тӥ оштолэзе «Театрлэн катанчи сьӧраз» нимо ужрад ортчытозы. Дарали Лелилэн удмурт дӥськутъёсын  «Мучыкай» коллекциеныз  тодматскон луоз.  Озьы ик ӧтемын Егор Куприянов – киноактёр, «Минута славы» шоулэн финалистэз, режиссёр.  Со сяна акцие вуэмъёслы мастер-класс возьматозы «Паркур» школаысь усточиос.

«Библиоуй» акцилы дасяське Удмурт кун университетлэн тодосъя библиотекез но. Радъясьёс ивортэмъя, татын ӝытазе ӧсъёс усьтэмын луозы 19-тӥ оштолэзе. Отын удмурт егитъёслэн «Юмок» театрзы возьматоз Сергей Антоновлэн «Троллейбус» пьесаезъя спектакль.

Сергей Антонов – егит удмурт драматург. Сое учкисьёс ӟеч тодо ини йӧскалык театрлэн сцена вылаз али мынӥсь «Пуны» но «Васьлей» спектакльёсъя. Нош режиссёр но актёр устолыксэ дунъязы ни моноспетакльёсызъя. Одӥгез сӥземын удмурт поэтлы Эрик Батуевлы, мукетыз – Сергей Есенинлы. «Троллейбус» пьесазэ Сергей Антонов гожтӥз 2001-тӥ арын.

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий