Ижкарын 2-тӥ парадельфи калыккуспо шудонъёс азьланьтӥсько

Кылбуран но проза номинациосын вормисе потӥзы Свердловск, Москва, Самара улосъёсысь, Камчатка, Тюмень шаеръёсысь, Марий Элысь но Удмуртиысь вожвылъяськисьёс.

Литература ӧрын быгатонлыкъёссэ 44 адями возьматӥз.

Нош Суредан устолыкъя элькун музейын но «Галерея» адӟытон центрын ӵошатсконъёсы лыктэмъёслэн ужъёсынызы адӟытонъёс усьтӥськизы. Соос «Суредан искусство но киуж» номинациын вожвылъясько. Площадкаосысь живопись, графика, декоративно-прикладной искусство но дизайн ӧръесъя 300 пала ужъёсты адӟыны луэ.

Парадельфи шудонъёс Ижкарын 17-тӥ шуркынмонозь мынозы. Тазалыксыя сюбегатэм луонлыкъёсын адямиос тямыс номинациын вожвылъясько: крезьгур, суредаськон искусство, журналистика, театр, чеберлыко кыл, выросъёсын кырӟан, оригинальной жанр но эктон.

Ижкаре 20 кунъёсысь но Россиысь 50-лэсь трос улосвылъёсысь делегациос вуэмын.

http://www.myudm.ru/