Ижкаре вуоз Геннадий Шаталов – туризм удысъя«Russian Event Awards» нимо йӧскалык премиез кылдытӥсь

Воронежысен кутскем автпробеглэн картаяз Приволжьеысь со интыос пыртэмын, кудъёсыз «Russian Event Awards», «Маршрут года», «Туристический сувенир» туризм удысъя ӵошатсконъёсын вормылэмын.

Кызьы тодмо, йӧскалык политикая министерство кичӧлтэмъя Удмуртиын ортчись «Всемирный день пельменя» фестиваль кылем арын «Russian Event Awards-2015» йӧскалык премилэн лауреатэз луиз. Экспертъёс но аналитикъёс та фестивалез «гастрономической туризм» удысысь тужгес но устоеныз нимазы. Ӵап солы луыса Геннадий Шаталов Удмуртиез «Событийный турмаршрут» – Приволжье» автопробеглэн картаяз пыртӥз.

Геннадий Шаталовлэн командаез понна тунсыко программа дасямын. Куноос вуылозы быдэс дуннелы тодмо Брангурт песянайёс доры, тодматскозы «Лудорвай» музей-заповедникен. Озьы ик чакламын «Интеграция события в турпродукт»котырес ӝӧк, кудӥз ортчоз «Бобровая долина» этнокомплексын. Радъямын луоз йӧскалык политикая министрен Лариса Бурановаен пумиськон.

Валамон ини, куноосты зэмос удмурт пельнянен куноятозы но асьсэдыс пельнянь кутыны дышетозы – пельнянез угось Россиын котькудӥз улӥсь пӧраны быгатыны кулэ.

Автпробег сюрессэ азьланьтоз Пермь, Киров, Нижний Новгород, Касимов, Воронеж городъёсти. Быдэс маршрутсылэн кузьдалаез ог 4400 км.

Ужрадэз дасясьёс малпамъя, та пумиськонъёс выль улосвылкуспо проектъёслы кутскон сётыны кулэ. Оскон вань, узыр сям-йылолъеслы, паймымон адямиослы, синмаськымон инкуазьлы луыса, Удмуртия тросаз турмаршрутъёсы пыртэмын луоз.