Ижкаре «Нырысетӥ каналын» ужасьёс вуозы

Ижкар дасяське Москваысь куноосты пумитаны. Нылпиосты утён нуналэ бадӟым кузьым лэсьто Элькун кивалтэт но Ижкар администрация. Шоркарамы вуозы «Нырысетӥ каналысь» 150 пала ужасьёс. Соос пӧлын артистъёс, спортсменъёс. Одӥгезлэсь нимзэ радъясьёс шараязы ини, со пичиезлы но, бадӟымезлы но тодмо, яратоно телеведущий, «Поле чудес» программаез нуись Леонид Якубович. Киров нимо парке журналист вертолётэн пуксёз, нылпиослы мороженой люкылоз. Трос мукет кузьымъёс лэсьтэмын луозы нылпиослы нунал ӵоже.

“Стань первым” акцие пыриськоз «Мынам Удмуртие» телерадиокомпани но. “Шудон корка” программа нылпиослы дася бадӟым концерт. Киров паркын шулдыртозы «Эктӥськом» нимо вожвылъяськонысь вормисьёс. Со Шаркан, Якшур-Бӧдья, Яр, Пичи Пурга ёросысь покчи усточиос. Пичи пургаос йӧскалык дӥськутэн дефиле но возьматозы.

Озьы ик удмурт кибашлыос мастер-классъя 4 площадкаосын ужалозы. Соослэн дышетэмзы улсын вань мылкыд карисьёс утись мунёос лэсьтыны быгатозы. Озьы ик Лӧпшо Педунен шудозы, «Эктоника»  проект улсын шулдыръяськозы. Удмурт программа час но ӝыны ӵоже кыстӥськоз. Ленид Якубович, вертолёт, Лӧпшо Педунь, удмурт нылпиос – ваньмыз люкаськемъёслы зэмос праздник мылкыд кельтоз кема дырлы!

http://www.myudm.ru/

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий