Ижкар циркын нош ик калыккуспо фестиваль ортчоз

Фестивале арлы быдэ уно учкисьёс но артистъёс вуо. Со Удмуртилэн но огъя Россилэн культура улон-вылоназ бадӟым инты басьтэ.

Вуоноез но фестиваль тунсыко но аспӧртэмлыко луоз — ивортэмын культурая но туризмъя мунистерстволэн нимлыко сайтаз. «Возьматонамы выль вылӥ технологиен амалъёсты кутом. Сыӵеез Россиын гинэ ӧвӧл, быдэс Европпаын но ӧй вал на» — шуиз «Росгосцирклэн» кивалтӥсез Дмитрий Иванов.

Туэ Ижкаре вуозы Италиысь, Китайысь, Кореяысь, Румыниысь, США-ысь, Украинаысь, Франциысь но Россиысь 150 пала цирк усточиос.

Фестивальлэн программазэ узырмытоз Россиысь сӥё-дано артистлэн Анатолий Соколлэн «Шоу воды, огня и света» аттракционэз.