Истребительлэсь лобамзэ 100 сюрс адями учкиз

Со сярысь пычалтӥрлык поттӥсьлэн нуналэзлы йылпумъянъёс лэсьтыку аппарат кенешонын ивортӥз элькун тӧролэн но кивалтэтлэн администраиценызы кивалтӥсь Сергей Смирнов. 2017-тӥ арын «Русские витязи» группалэн возьматонэныз ӵошатыса, учкисьёс 2 но ӝыны поллы тросгес люкаськизы.

Тодады вайтом, Ижкар вылтӥ «Соколы России» группалэн 4 истребительёсыз лобаны кулэ вал. Но Перьмын, кытысь соос вуыны кулэ вал, куазь урод кариськиз. Соин асьме доры одӥг гинэ СУ-35 самолет вуиз. Вылӥ пилотажез возьматӥз звенолэн командирез, ожгар лётчик, полковник Александр Гостев.

Люкасьемъёслы Гостев инбамысен ик раци пыр ӟечкыланэн вазиськиз: «Ӟечкыласько бадӟым праздникен — Пычал тирлык поттӥсьёслэн нуналэнызы но дано лыдпусэн -Михаил Калашниковлэн 100 ар юбилееныз. Сизӥсько шуд, тазалык!»