«Инвожо» журнал Россиысь вить устоосыз йӧскалык изданиос пӧлы пыриз

«Инвожо» «Устоез журнал» ӧрын пусъемын. Вормисьёс пӧлы озьы ик шедизы Башкириысь, Чувашиысь, Якутиысь газетъёс но журналъёс.

Россиысь калыкъёслэн кылъёсынызы иворъёсты вӧлмытӥсь ёзэсъёс понна валтӥсь вожвылъяськонэ («Пять лучших этнических изданий России-2018») 19 улосвылъёсысь 69 изданиос пыриськизы.

Вормисьёсты пусъён 10-тӥ коньывуонэ Сочиын «Вся Россия» фестивальын ортчоз.

Кызьы верамын Ассоциацилэн сайтаз, йӧскалык изданиос понна та нырысетӥез нимысьтыз вожвылъяськоз. Кунысь тужгес бадӟым конкурсэ – «Россиысь устоосыз 10 газетъёс» — иворъёсты вӧлмытӥсь йӧскалык ёзэсъёс пыриськыны ӧз быгатэ, угось кылъёсты тодымтэеныз жюри йӧскалык элькунъёсысь журналистъёслэсь ӧнер быгатонлыкъёссэс кулэезъя дунъяны ӧз быгаты.

Вожвылъяськонлэн ужпумез – анай кылъёсты утён но вӧлмытон, йӧскалык печатез азинтон, изданиослэсь данзэс будэтон.