Инкуазь материалъёслэсь лэсьтэм 15 кабъёс кылдозы Глаз ёросысь «ДондыДор» паркын

Объектъёс Чупчи котырын улэм удмуртъёслэн дауркылъёссыя (легендаоссыя) лэсьтэмын луозы. Со дыре ик Глаз ёросысь Лулчеберетъя но туризмъя центрысь туризмъя но чеберлыко киужъёсъя ёзэтысь ӧнерчи Елена Набокова пусйиз, та ужъёсты парк скульптураосын сурано ӧвӧл.

«Татын ми лэсьтӥськом улвайёслэсь, выжыослэсь, чисто ваньмыз со, мар нюлэскын огшоры куяськемын, лошъяське кадь. Милям адӟытэммы потэ, кызьы тӥнь сыӵе материаллэсь лэсьтыны луэ чебер скульптураос. Лэнд-арт — со ӟуч сяменгес пӧрме, а удмурт сямен ас поннамы вераськомы — улвай фестиваль», – вераз Елена Набокова.

Адямиен лэсьтэм кабъёс инкуазен кылдытэм музъем вылтусэн пӧлэстӥськыны кулэ, соос мултэс арбериос кадь медаз адӟиське. Ӧнерчиослэн верамзыя, сыӵе объектъёс 7 арозь но сыло.

Ужаны кулэ луись материалъёсты но тӥрлыкъёсты ужрадэ пыриськисьёслы радъясьёс сётозы. Мылкыд карисьёслэсь куриськонъёссэс 1-тӥ куартолэзёзь куто. Елена Набоковалэн верамезъя, туннэ нуналлы 27 куриськон вуиз ни.

«Туж шумпотӥськом, милям уйпал ёросъёсысь гинэ ӧвӧл шуыса, вазиськизы милем Алнаш, Ува, Сьӧлта ёросъёс, сэре Пермь шаерысь но вазиськизы ни. Ижевскысь но вань мастеръёсмы. Туж шумпотӥськом но малпаськом, милям одно ик пӧрмоз шуыса», – пусйиз Елена Набокова.

Озьы ик со пусйиз, та ужрадэн соос егитъёслы инкуазез яратон, вордскем шаерзэс данъян, чеберез валан мылкыд пыӵатыны оско.

Усточиос ужан вакытэ фестивальлэн чакласез (кураторез) — кибашлы, суредась Анатолий Степанов — лэнд-арт амалэн кабъёс лэсьтыны вань мылкыд карисьёсты дышетоз.

«Милям отын не только конкурсантъёсмы ужалозы, милям эшшо отын ужалозы, кинлэн мылкыдзы вань лэсьтыны, дышетскыны. Степанов Анатолий Петрович соосты дышетоз, соослы но сётӥськомы инструмент, материал. Соос лэсьтозы асьсэлэсь ужъёссэс но отчы милем кельтозы ни синпель сямен», — вераз Глаз ёросысь Лулчеберетъя но туризмъя центрысь ӧнерчи.

Тодэ вайытом, со нуналъёс ик, 23–24 инвожое, Глаз ёросын кырӟанъя «Пестросаес» улосвылкуспо фестиваль-вожвылъяськон ортчоз. Крезьугро фестивальын но улвай фестивальын вормисьёсты 24-тӥ инвожое «ДондыДор» паркын пусъёзы.

https://udmurt.media/udm/news/kultura-i-turizm/35515/

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий