«Ингож» студиын юморлы сӥзем занятие ортчоз

Кызьы серемес кылбур-верос гожтоно, малы удмурт юморен вырисьёс чиньыен лыдъямон но мае одно тодоно юмореска гожтон азьын? Та но мукет юанъёслы валэктон утчалозы литературая но творчествоя “Ингож” студилэн матэктӥсь занятияз.

Пумиськонын визь-кенеш сётозы Удмурт кун университетысь тодосчиос: А. Абдрамов сярысь тамаша учыръёсын книгалэн авторез Александр Шкляев но удмурт юморъя али гинэ потэм книгалэн авторез Виктор Шибанов. Со сяна – Удмурт театрысь драматург, маскара пьесаослэн авторзы Анатолий Григорьев.

Пумиськонлэн бадӟым люкетэз котьку сямен сӥземын луоз Ингож студие ветлӥсь авторъёслэсь выль ужъёссэс эскеронлы.