Инбам улын интыяськем «Иднакар» музейлы 20 ар тырме

    Инбам улын интыяськем «иднакар» музейлы 20 ар тырме 1

    Со сяна ӧнерчиос вашкала удмуртъёслэсь улэм интызэс – Иднакарез – утёнъя ужъёссэс азьланьто. Кылем арын вырйыллэн оглюкетэз, кытын сылэ кар, куашказ.

    «Али ми со куашкам интыез тупатыны выриськом, — вера «Иднакар» музей-заповедникен кивалтӥсь Ольга Арекеева. — Утчаськом коньдон эскерон ужъёсты мытон понна. Мар муген музъем куашка милемлы тодыны, валаны кулэ. Тулыс тудву кошкон огсыр орчиз – сюлмаськонъёс ӧз вайы. Но инкуазьлы пумитъяськыны уг луы: аслэсьтыз лэсьтоз. Вырйылын туж трос ошмесъёс, оло,  соос но асьсэлэсь «ужзэс» лэсьто».

    Ольга Арекеева ватсаз на: музей быдэс гужемзэ ужалоз. Ортчозы сяме пыӵам Батыр шудонъёс, нырысьсэ соос радъямын луозы пиналъёс куспын но. Озьы ик чакламын антропологъёслэн но этнологъёслэн 12-тӥез Росси конгрессы.