«Игра престолов» сериаллэсь саундтрексэ удмурт крезьгуро арбериосын быдэстӥзы Удмуртиын

Клипын удмурт дӥсьёсын вить нылкышноос удмурт крезьгуро арбериосын шудо: дымбырен – Катерина Самоделко, пыжкрезен – Аида Фаттахова, кубызэн – Ольга Перевозчикова, узьыгумыен – Ирина Пчеловодова но крезен – Вероника Фёдорова.

«Игра престолов» сериалысь саундтрекез быдэстыны малпанэн соос доры Артём Васильев вазиськиз.

“Та малпан милям туж кемалась кылдӥз вал ини. Кык аръёс ортчиз, дыр, оло, тросгес но. Милемлы сыӵе малпан сётӥз оператор-режиссёр, воксё ӟуч пияш Артём Васильев. <…> Ми туж турттӥмы, но малы ке но милям со соку ӧз пӧрмы. Собере сыӵе резонансной дырыз но солэн быриз. Но али ивор нош ик лыдӟылӥм, берпуметӥ сезонэз солэн потэ шуыса, но со берпуметӥ сезонэзлы ми турттӥм ини лэсьтыны та ӵектосэз, быдэстыны. Малы ке но туж секыт милям мынӥз. Но озьы ке но, милям пӧрмиз”, – вера  Вероника Фёдорова, ӵектослэн огез радъясез, крезьчи.

Радъясьёслэн малпанзыя, та клип удмурт крезьгуро арбериосын шудон лулчеберетэз калыке поттыны, соин тунсыкъятыны кулэ.Малпан «Игра престолов» сериаллэн 2019-тӥ арын 14-тӥ оштолэзе берпуметӥ люкетыз потэмен герӟаськемын. Сериал учкисьёсын вылӥ дунъямын, со сяна фэнтези жанръем тужгес дуноез луэ.

https://udmurt.media/udm/news/kultura-i-turizm/54934/

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий