Гырлы жугисьёслэн фестиваль-вожвылъяськонзы ортчоз Эгра каргуртын

Вожвылъяськонэ пыриськисьёс одно быдэстоно но эркын программаоссэс шудозы.

Одно быдэстоно программа улсын канонъя ньыль гырлы вазёнъёс пӧлысь: благовест, перебор, перезвон но трезвон – кыксэ быдэстозы. Эркын программае пыриськисьёс ас малпам ужзэс яке одно быдэстоно программае пырисьтэм композициез шудозы.

Вожвылъяськонэ пыриськисьёсты нимысьтыз кылдытэм жюри дунъялоз но котькуд программаын куинь вормисьёсты быръёз.

Со сяна, фестивале вуэмъёсты творчествоя коллективъёс, казак ансамбльёс шулдыртозы, Тройча ӝукен куноятозы. Озьы ик калык понна мастер-классъёс, гырлы жугон интые экскурсиос радъямын луозы.

Кутсконэз 11 часын.

https://udmurt.media/udm/news/obshchestvo/58414/