Гынсапеглэн праздникез ортчоз Дулесовоын

Отын адӟытонъёс, мастер-классъёс, «Гынсапегъёсын тол маскаръяськонъёс» но «Дулесово шудонъёс» ортчозы. Со сяна, сапег гындӥсьёс но чеберлыко киужъёс лэсьтӥсь усточиос пӧлын «Чудо-валенок» адӟытон-конкурс ортчоз.

Учкисьёсты паймытыны быгатоз «Тол пужыос» нимо гынсапегъёсын дефиле. Нош крезьгуро люкетсэ азьланьтоз «Зимушка-зима» концерт программа. Отчы крезьгур коллективъёс но нимаз артистъёс пыриськозы.

Интыысь коллективъёсты сяна, ужрадэ Дэри, Каракулино, Камбарка но Кияса ёросъёсысь усточиосты но возьмало.