Гужем вожоосын шулдыръяськон ортчытӥзы Глаз ёросын

Ужрад гужем шунды берытсконлы сӥземын вал. Шулдыръяськонын гужем вожоосты пумитазы но келязы.

«Вожоосмы милям вал Нюлэснюня, Вукузё, Шундымумы, Тӧромы, кудӥз пумитаз соосты. Котькудӥз ик соос шудӥзы учкисьёсын. Кылсярысь, Вукузё — ву шудонэн, шур вамен тэтчаса. <…> Собере круген бергаса ужрадмес йылпумъямы. Сӥзьыл пала берыктӥмы шундыез», — вера Ольга Боталова.

Ӧнерчилэн кылъёсызъя, ваньмыз сямъёс, кудъёссэ соос ужрад улсын ортчытӥзы, вашкалаослэсь басьтэмын.

«Милям вань ӧнерчиосмы, кудъёсыз милемлы юртто, кудъёсыз туж разбираться карисько вань со ужрадъёсын. Тани толалтэ ортчытӥм ми вожо пумитан – толзэ, кудӥз берыктэ шундыез гужем пала. Табере ми ортчытӥм сӥзьыл пала берыктӥсьсэ. Тоже пумитам вал вожоосты, быдэс арня шулдыръяським, келям. Шулдыр улон, умой урожай курим соослэсь», — шуэ  Ольга Боталова.

Ужрадэ Глазкарысь но ёросысь 170 пала адями люкаськиз. Пӧлазы трос пиналъёс вал. Ольга Боталовалэн верамезъя, таӵе шулдыръяськонъёс калыклы тунсыко луо, шумпотыса вуо.

Шулдыръяськон улсын, шудонъёс сяна, концерт, мастер-классъёс ортчизы, озьы ик вузкарон радъямын вал.

Тодэ вайытом, кылем арын гудырикошконэ Глаз ёросысь Адам гуртысь «ДондыДор» паркын Вань удмурт воршудъёслэн ыстэм муртъёссылэн люкаськонзы ортчиз.

https://udmurt.media/udm/news/kultura-i-turizm/58693/