Григорий Верещагинлэсь удмурт-ӟуч кыллюкамзэ поттыны дасясько

    Григорий верещагинлэсь удмурт-ӟуч кыллюкамзэ поттыны дасясько 1

    Озьы, отчы огъя 25 сюрслэсь трос удмурт но ӟуч кылъёс пырозы. 12 но ӝыны сюрс – удмуртъёсыз, 13 сюрслэсь трос – ӟуч кылъёс. Сое люказ но радъяз литературая, кылъя но историяя Удмурт институтысь тодосчи, кылосбур тодосъя кандидат Леонид Ившин. Трос аръёс ӵоже ини со XVIII-XIX дауръёсысь удмурт кылын гожъямъёсты эскере.

    « 2 рукопись со, — вера кыллюкамез дасясь Леонид Ившин. — Отчы вуж ӟуч кылъёс пыремын, озьы ик трос туала арын кутӥськисьтэм удмурт кылъёс. Вераны кулэ, со кылъёс огшоры гинэ ӟучысь удмуртэ берыктэмын ӧвӧл, отын пыр-поч валэктон сётэмын. Кылсярысь, со гожтэ ӟуч кыл, нош удмурт кылын со кутӥськы. Озьы Верещагин туж кузь валэктон сётэ со кыллы. Соин ик со ужез кыллюкам гинэ шуыны уз луы, со энциклопедия выллем».