Горд сюен ужаны басьтӥськизы Сьӧлта черкогуртын улӥсьёс

«Ми 160 сюрс манет куриськом вал, но сётӥзы 150 сюрс, – шуэ Сьӧла ёросысь киужъёсъя юртэн кивалтӥсь Светлана Никулай. – Ӝыныез уксёмы бергась станок басьтыны кошкиз. Озьы ик басьтӥм буёлъёс, горд сюей ужаны кулэ луись мукет арбериос».

Трос пумо ужан амалъёс пӧлысь сӧсыръёсын ужаны ӵектос гожтӥсьёс горд сюез бырйизы – ужан тӥрлыкъёс мугорез вӧсь уз каре, тыршемзы лулсэр понна пайда гинэ ваёз шуыса.

Вашкала дыръёсы Копки палъёсын горд сюен ужась усточиос трос вылэм, шуо ӧнерчиос. Соин но малпазы удысэз улӟытыны. Нош горд сюй азьвыл кирпич поттон заводлэн бервылысьтыз но поттыны быгато, сое басьтэмэныз ӵош уже кутыны луоно.

Кышномуртъёсын валче воргоронъёс но горд сюен ужаны дышетско. Одӥг группае 10 адями гинэ гожтэмын – онерчиос котькудӥзлы ужан амалъёсты валэктыса мед вуттозы.

Бӧрысь бадӟым адӟытон радъямын луоз: “Кузьыли” ӵектосэ пыриськем сӧсыръёс лэсьтэм шуланъёсынызы, пӧртэм тусьтыосынызы тодматозы. Нош тужгес но устоосыз кибашлыос, оло, лэсьтэм арбериоссэс вузаны быгатозы, табыш поттозы.

http://www.myudm.ru/

Поделитесь с друзьями:

Журналист, редактор сайта, руководитель и куратор медийных проектов, продюсер и ведущий интернет-телеканала "Даур ТВ"

Дом Дружбы народов
Добавить комментарий