Глазовысь «Иднакар» музейын ужа 12-тӥ даурысь нылаш

«Иднакар» музей кылем арын утӥз  В. Потанинлэн фондысьтыз грант. Озьы луонлык кылдӥз лэсьтыны виртуальной экскурсовод. Нош малы со луиз 8 аресъем нылаш? Кызьы верало музейын ужасьёс, со кылдӥз, нылпиос сярысь малпаськыса. Ас ёззы соослы трослы матынгес, пе, луоз, со вералоз, кызьы улӥзы удмуртъёс Иднакарын, кызьы но маин тыл поттӥзы, сиён пӧразы но мукет.

Али та нылаш суредаське на, вотэс бамъёсын мыноз куара сётон, калык мылкыдзэ вералоз, кыӵе синмо но йырсиё луыны кулэ со. Нош Глазовысь физико-математической лицейысь пиналъёс та нылашен али комиксъёс суредало.