Глазовын шор дауръёсысь финн-угор карлэсь оглюкетсэ кылдытозы

«Кык ар ӵоже вашкала финн-угор карлэсь — выжыосмылэсь улон интызылэсь люкетсэ лэсьтоно луоз. Донды князьлэн юртаз шор дауръёсы Ватка но Кам котырын улӥсьёслы тупась аспӧртэм ӧрез возьматыны тыршозы. Угось ӵапак со быдэс финн-угор дуннелы кутскон сётӥз», — верамын Глаз ёросысь Лулчеберетъя но туризмъя центрлэн Вконтакте мерлыко группаяз.

Ӵектосэз кылдытӥсьёслэн чакламзыя, лулчеберетъя но историяя сыӵе парк Удмуртиысь гинэ ӧвӧл, Прибалтикаысь но Балкан котырысь туристъёсты но кыскоз.

«ДондыДор» ӵектос «Культурная мозаика: партнерская сеть» Росси конкурсын вормиз. Сое ортчытӥзы Елена но Геннадий Тимченкоослэн ӟечлэсьтон фондзы. Вожвылъяськонэ 40 куриськон вуиз, эскерисьёс 20 устозэ ужъёсты бырйизы. Приволжск федерал округен ӵектэм ужъёс пӧлысь куатез гинэ быръемын вал, со пӧлын — Глаз ёросысь Лулчеберетъя но туризмъя центрен кылдытэм «ДондыДор» парк.