Глазов ёросын «ДондыДор» брендэз кылдытон бордын ужало

Ӵектосэз азинтонэ пырисько культурая кӧня ке ужъюртъёс. Огкылысь ужало ни  кибашлыосын, кырӟась-эктӥсь коллективъёсын.

«Дэмен ужлэн емышез тазагес луоз, — шуэ Глазов ёросысь туризмъя но лулучеберетъя центрысь методист Елена Набокова. — Ми пуктыны чакласьком лулчеберетъя но туризмъя «ДондыДор» парк.  Иднакарез тодо ини. Нош Донды — со Идналэн атаез. Тодӥськом, со пизэ ас дораз кельтэ, нош ачиз мукет интые кошке. Ми али гижысь-пиньысь басьтӥським «ДондыДор» брендэз кылдытыны».

2-тӥ куарусёнэ «ДондыДор» паркын, со интыяськемын  Адам гуртын, нырысьсэ «Тыло толэзь»  фестиваль ортчиз. Со улсын нылкышноос куспын чеберлыкъя конкурс радъяськиз, рок-концерт, фаер-шоу, мастер-классъёс ортчизы.

Фестиваль йылпумъяськиз бадӟым тыл шоуэн.