Глазов карын но ёросын таяз толэзе удмурт культуралы сӥзем нуналъёс ортчозы

Та нуналъёс улсын ик миым ужамзылы куд-ог йылпумъянъёс но лэсьтозы. Со сярысь ивортӥз «Удмурт Кенеш» огазеяськонлэн Глазовысь ёзэтэн кивалтӥсь Инесса Рябова: «Удмурт лулчеберетлы сӥзем нуналъёсты усьтоз эктонъя но кырӟанъя «Италмас» академ ансамбль. Ёрос лыдӟиськонни тодматоз ас мылкыд каремзыя гожъяськисьёсын. «Сюлмысьтым потэм чуръёс» нимо пумиськон ортчоз Пӧжы гуртын».

Тунсыко ужрад дася Короленко нимо педагогикая институт. Со Флор Васильевлэн вордскемез дырысен 85 ар тырмонлы научно-практической конференци. Удмурт кылэз но лулчеберетэз нылпи садъёсын вӧлмытон уж сярысь вераськозы ёросысь но карысь нылпи садъёсын ужась визьнодасьёс.

Мынам Удмуртие