Глазкарын удмурт гимнази усьтон пумысен кенешонъёс мыно

Пумиськонэ йӧскалык политикая министр Лариса Буранова, Удмуртилэн Кун Кенешысьтыз тодосъя, дышетонъя, лулчеберетъя, йӧскалык но егитъёсын ужан политикая но спортъя ялан ужась ӧрилэн тӧроез Татьяна Ишматова, дышетонъя но тодосъя министрлэн воштӥсез Ирина Крохина но дышетон удысысь ӧнерчиос пыриськизы.
Йӧскалык программалэн валтӥсь юрттӥсез Глазкарысь дышетӥсьёсты дасянъя кун институт луэ, уго, ӵапак татын удмурт кылъя вуоно дышетӥсьёс тодон-валан басьто. Удмурт кылъя классъёсты усьтон понна ужась группа кылдытыны чакламын ини.
Со сяна, удмурт кылэз дышетон улсын уйпал ёросъёсын туристической маршрут усьтыны малпамын.

Лариса Буранова, Удмурт Элькунысь йӧскалык политикая министр:
«Глазовысь кивалтӥсьёсын но мерлыко азьветлӥсьёсын удмурт гимназилы классъёс усьтон сярысь огкылэ вуэмын. Азьланезлы ужпум – нимаз гимназии кылдытон. Глазовын но Можгаын йӧскалык гимназии усьтон сярысь кулэлык азьвылгес пусъемын вал ини. Шумпотымон, та ӧръя уж вырӟиз».