Глазкарын «ЭТНОволна» форум усьтӥськиз

«ЭТНОВолна» форум люказ Санкт-Петербургысь, Саранскысь, Пермьысь, Екатеринбургысь, Елабугаысь, Ижкарысь, Чебоксарыысь, Казаньысь, Горно-Алтайскысь, Нефтекамскысь студентъёсты.

Ужрадэз усьтэм бере ик пленарной кенешон ортчиз. Отын пӧртэм каръёсысь вуэм экспертъёс выжы калыкъёсын ужан амалъёссы сярысь веразы.

Форум улсын пӧртэм ужрадъёсыз радъямын луозы. Глазкаре росси улосъёсысь вылӥ дышетсконниосысь вуэм студентъёс калык лулчеберетэз,  кылэз азинтон но вӧлмытон сярысь вераськозы.

Озьы ик форум улсын «Чеберай дышетӥсь» конкурс ортчоз. Пӧртэм йӧскалык выжыысь потэм егитъёс котыр ласянь быгатонлыкъёссэс, асьсэ дӥськутсэс возьматозы, ас анай кылынызы мастер-классъёс сётозы.

Со сяна этномаршрутъёсты кылдытыны дышетскозы но 2-тӥ шуркынмонэ «Бадӟым этнографи диктант» гожтозы.