Глаз ёросын Донды батыр бырйемын

Конкурс 3 номинациосъя мынӥз. Воргоронъёс визьзэс но сыназы, дӥсьсэс но возьматӥзы, кужымзэс но мертазы.

«Легендаосъя, Донды туж визьмо адями вылэм, — шуэ Глаз ёросысь лулчеберетъя но туризмъя Центрен кивалтӥсь Евгений Баженов. — Соин ик вожвылъяськонэ пыриськисьёс удмурт мадёсъёсты, историез тодэмзэс возьматӥзы. Конкурслэн одигез валтӥсез куронэз – удмурт кылэз тодэм вал ».

Ӵошатсконлэн йылпумъянъёсызъя, вормисе потӥз Трубашур гуртысь Иван Максимов.