Герман Ходыревлы – 85 ар

Пумиськон луоз гожъясьлэн вордскемез дырысен 85 ар тырмон улсын. Герман Ходыревлэн улэмез но ужамез сярысь вералозы филологи наукаосъя доктор Татьяна Зайцева, крезьгурчи Юрий Толкач. Атаез сярысь тодэ ваёнъёссэ усьтоз элькунысьтымы крезьгурчиослэн огазеяськонзылэн тӧроез Марина Ходырева.

Пумиськон ӝытын тодматскыны луоз Ижкарысь 20-тӥ школаысь  Герман Ходырев нимо музейлэн  ужаменыз. Отысь дышетскисьёс лыдӟозы кылбуръёс.

Нош крезьгуръя училищееысь студентъёс Герман Ходыревлэн кылбуръёсызъя кырӟанъёс быдэстозы. Люкаськемъёсты шулдыртоз Ижкарысь «Птица-Тылобурдо» группа. Йӧскалык лыдӟиськонни нылпи гожъясьлэн ужъёсыныз книга адӟытон дася.

http://www.myudm.ru/