Герберез нош ик пусъёзы Москваын

    Герберез нош ик пусъёзы москваын 1

    «Удмуртия Заряжает» ӧтён улсын ортчись ужрадлэн программаяз удмурт сям-йылолъёс, калык шудонъёс, эктонъёс, кырӟанъёс, вожвылъяськонъёс но тодмо спортсменъёслэсь мастер-классъёс. Праздниклэн куноосыз перепеч веръяны, Тол Бабаен но Лӧпшо Педунен тодматскыны быгатозы.

    Фестиваль пуштросэзъя куиньлы люкемын луоз — туризм, спорт но инвестициос. Праздниклэн одӥгез ужпумез — Москваын улсьёслы Удмуртилэсь луонлыкъёссэ возьматыны.

    Шулдыръяськонъёс 10-ысен 22 часозь ортчозы.

    Тодэ вайытом, «Гербер» шулдыръяськонэз Москваын таяз арын но одно ортчытыны кулэ шуыса улосвыллэн тӧроез Александр Бречалов «Удмурт Кенеш» огазеяськонлэн исполкоменыз пумиськонын 18-тӥ оштолэзе вераз вал.

    https://udmurt.media/udm/news/kultura-i-turizm/37761/